繼續《第十六屆華鼎獎》，現場繼續頒發獎項，AdrienBrody(《天將雄獅》)奪「中國最佳男配角」，成家班(《天將雄獅》)奪「中國最佳動作電影指導」，Adrien上台領獎仲錫咗成龍塊面一啖。

Adrien先喺台上用普通話講:「非常榮幸在這裡。」然後就用英文講返:「我喺紐約長大，好鐘意中國電影，周末父親會有我去唐人街看電影，很多武打巨星都是我偶像，成龍亦是我心目中的超級偶像，佢對我好好，好有風度，成家班嘅人教咗我好多嘢，喺馮小剛身上亦學到好多嘢。」

台下訪問，Adrien用英文話:「拎咗呢個獎，覺得好似係認同我對中國電影嘅努力，象徵我同中國人有聯繫，身為美國演員，感激得到中國電影業認同好高興，一直好努力，為所拍嘅電影做準備，同成龍合作，對方教我打功夫，成家班好支援我，教我好有型嘅揮劍動作，呢個經驗非凡，拍嘅經驗喺沙漠高溫，好似歷險。」

「中國最佳動作電影指導」由鄭少秋頒發，成家班上台領獎，成龍都有上台，佢話下年就係成家班成立40年，已經去到第7代，有過百成員，希望大家支持佢成立更多成家班。

阿Fi頒完獎台下訪問，佢就死都唔肯透露老友房祖名近況，又話等祖名作曲俾自己等咗10年。泳兒就做表演嘉賓上台演唱。

剛才因器材問題而搞咗十幾分鐘先做訪問嘅思漩就話:「得獎非常之緊張，因為呢個係自己入行以嚟第一個獎，自己已經努力咗好多年。」