吳業坤（坤哥）今日到商台宣傳新歌《和懷念講再見》，坤哥指新歌講述朋友及戀人，這些過客就像鼻垢，令呼吸困難：「佢哋好似鼻屎鼻涕咁，擤走就冇咗。」坤哥邀請了20位歌迷為他的新歌合唱其中一部份，因為人數眾多，要分四次灌錄：「一啲歌迷好專業，曾參加歌唱比賽，亦都好鍾意唱歌。自己做埋其中一個監製，錄歌有男有女，唔係睇樣睇歌藝，另外邀請咗30個位歌迷拍mv，有學生，亦有啲返工都專登請假過嚟。」此外，龔嘉欣笑言被坤哥打爛貞節牌坊，坤哥就話：「嘉欣可能耳水不平衡乜都講。」坤哥指現在不怕緋聞，專心工作。

剛推出新歌《13樓的大笨象》的鄭融，指現在每天會花時間在網上平台回覆網民及歌迷留言，她說：「一定會將所有留言睇過，奇怪最近對新歌嘅留言全部都係正面。」鄭融表示，過往曾看過一些不懷好意的留言：「睇咗只會有兩秒唔開心，睇得出係發洩，所以無謂有任何感覺。」

鄭融表示有網上平台可以讓歌迷唱她的歌，她計劃跟歌迷互動合唱。對於是否有打算跟男友合唱，鄭融就話：「佢平時已經好有誠意留意我嘅工作，佢唔識中文，支持已足夠。」昨日白色情人節，鄭融表示沒有特別慶祝：「我放咗狗狗嘅相上網，因為有新鮮感。」

同樣到商台宣傳新歌《新類型人的愛》的樂隊野佬，指新歌以動漫「高達」為主題，希望反映打工仔工作生活枯燥，如何尋找樂趣。成員之一的何兆基表示，兩年前舉辦過動漫主題的音樂會，但蝕本收場，現在對辦音樂會有恐懼。野佬今年成立7周年，他們表示計劃年尾舉行「野佬7年之癢」演唱會。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef