二人男女組合Fabel（前名ISoFeel）今日晏晝喺旺角朗豪坊live stage獻唱表演，成員盧祝君（LoLo）同馮慶聰（Jimmy）話會喺月推出新碟，現正為主打歌《上傳狂》宣傳，佢哋話首歌係講o依家社交媒體太流行，身邊有好多朋友或街上途人都喜歡上載自己事物或其他人嘅事，就好似見到有事發生都冇及時出手幫忙，反而係第一時間以手機拍下上傳，佢哋認為呢個風氣唔係好健康。

Fabel更舉例指地鐵車廂發生火燭或關愛座等受爭議事件咁，就算啲網民都唔喺現場，但由於缺乏獨立思想去批判事情，所以佢哋希望網民多啲用獨立思考，Fabel自稱唔係緊貼潮流，笑言歌曲內容都有點反諷。

Lolo同Jimmy話自己都係機不離手，歌曲歌詞中亦有提及幾年前女友街頭撑摑跪地男友嘅內容，但就冇將情節放入歌曲MV中，反而用了神秘一個表達方式，等觀眾自己搵番。