單親的劉女士，多年來與年邁母親相依為命，為了一償母親回鄉省親的心願，劉女士早前陪同母親返回老家遼寧，惜途中其母不幸跌斷左腿股骨，情況一度相當嚴重。由於欠缺醫療費，劉母在當地一直得不到適當的治理。愛母情切的劉女士，一直希望將母親送返本港就醫，惟經濟拮据的她，無力負擔一筆運送回港費用，哭着向蘋果基金求助。

「𠵱家媽媽一個人喺療養院好淒涼呀，我又要趕返嚟籌錢，陪唔到佢，媽媽成日喊住叫我帶佢返香港，唔好丟低佢，聽見都陰功。」劉女士紅着淚眼說。

「心情好似天塌落嚟」
五十七歲的劉女士，失婚多年，與守寡養大她的母親相依為命，母女感情深厚。劉女士本身育有一子，現年二十八歲，惟他經常開工不足，自顧不暇；劉女士一直供養母親，多年來她分別在製衣廠及貿易公司工作，生活尚算安穩，詎料六年前出現遽變。
如今已屆八十八歲高齡的劉母，九七年不幸證實患上柏金遜症，失去自我照顧能力。「媽媽身體一向好好，當初真係接受唔到佢會變成咁，佢周不時會全身唔停咁震，食飯、沖涼、去廁所都要我幫，媽媽辛苦時我亦好辛苦。」或許因為壓力太大，未幾劉女士的病痛亦接踵而來，包括患上精神病、心臟病、甲狀腺腫脹、血壓高等，在體力不支的情況下，她被迫辭去工作，兩母女靠綜援金生活。
一直以來，劉母有一個心願，希望趁有生之年返回鄉間一趟，侍母至孝的劉女士為了完成母親的心願，年來節衣縮食，月前她終於儲足旅費，惜兩人抵達遼寧不久後，劉母便不慎跌斷左腿股骨，令劉女士不知所措。「因為我冇咁多錢喺身，所以冇辦法送媽媽入醫院做手術，只可以安排佢住喺當地嘅療養院，不過媽媽真係好痛苦，而且身體愈來愈差，重出現心臟衰竭、腎衰竭嘅情況，當時我嘅心情簡直好似天塌落嚟咁。」