【馮仁昭四圍超】攝影師高照林
20呎墮地傷頭
蘋果日報 2015/12/21 00:00
資深攝影師高照林（沙展）日前喺上海盛強影視基地拍攝郭富城有份主演嘅影《永不消逝的電波》意外受傷，據知當時沙展坐上吊臂升到20呎高空拍攝，有架道具車撞到一間佈景屋，撞冧屋後連帶掃埋吊臂，沙展由高空跌落嚟，頭部撞地受傷，事後送咗去上海第一人民醫院搶救。
高照林
安排返港治理
沙展之前客串過王家衛嘅《一代宗師》，又為港視劇《Night Shift》擔任攝影等，同唔少港視藝人都好熟。姜文杰前幾日都喺上海拍同一部戲，佢噚日回覆話：「最新消息，沙展情況好好，因為頭同眼有輕微骨折，要再觀察多兩日，暫時唔使做手術。」佢亦喺facebook轉載沙展老婆一段報平安消息，高太話沙展好彩傷勢冇惡化，會安排佢返香港醫治，而不幸中之大幸只係前額縫咗7針，冇內出血。
另外，王宗堯噚日喺荔枝角出席聖誕活動，佢都話：「好在佢只係骨折，冇乜嘢大礙，因為我哋睇到片嘅時候，先知嗰個高度跌落嚟真係會死人㗎！」宗堯提醒同行，內地劇組人員有時較粗心，大家要特別留神。
撰文：馮仁昭
另外，王宗堯噚日喺荔枝角出席聖誕活動，佢都話：「好在佢只係骨折，冇乜嘢大礙，因為我哋睇到片嘅時候，先知嗰個高度跌落嚟真係會死人㗎！」宗堯提醒同行，內地劇組人員有時較粗心，大家要特別留神。
撰文：馮仁昭