現年5歲嘅韓國「得意妹」秋小愛，自演出人氣育兒節目《超人回來了》後，觀眾睇住佢越大越靚女，而且小愛又遺傳晒模特兒媽咪矢野志保嘅好基因，四肢纖瘦。

而近日小愛孖住父母拍攝嘅SBS新綜藝節目《秋可愛一家出發喇》，節目組噚日就公開咗矢野志保嘅童年照，只見小時候嘅矢野志保同依家一樣身形纖瘦，樣子分別亦唔大，可見矢野志保都係由細靚到大。當佢嘅童年照與小愛嘅相放埋一齊比較時，兩母女完全係一個餅印，小愛遺傳晒媽咪嘅好基因，至於小愛邊樣似老竇秋成勳？小愛就直言似老竇咁大力，相當搞笑。