Tommy仔(貝湯美)噚日尾場騎「醒目精伶」末段垂手，令匹馬只跑第三，仲令「騎師王」冠軍由韋達變成潘頓，賽後競賽小組研訊，Tommy仔亦承認違反賽事條例，所以被判罰停賽一個月，要下個月16號才復出策騎，但呢項罰則令佢唔可以喺1月11日黃金海岸舉行嘅神奇百萬大賽日上陣，所以Tommy仔已通知香港馬會，將以罰則過重為由提出上訴，希望可以獲得減刑。