【城城唔喺身邊】日頭緊身衫行沙灘 Moka夜遊老銅戴超防曬
郭富城自拍沙灘Moka
52歲天王郭富城早排雖然忙住拍戲,又要準備世界巡迴演唱會,不過依然係一個盡責嘅老公同爸爸,今年4月陪咗老婆方媛(Moka)去杜拜遊行,慶祝結婚一周年紀念,今個月頭又去咗老婆安徽老家補擺喜酒,仲逐圍敬酒,禮儀做到足。
陪完老婆返鄉之後,城城開始有排忙,因為要準備「舞林密碼演唱會2018」世界巡迴演唱會,如無意外都會開足100場,除咗內地多個城市之外,仲有日本、台灣、新加坡、泰國、越南、韓國、倫敦、米蘭、加拿大等,排住隊開騷,嚟緊都冇乜時間可以陪到屋企人。
不過城嫂Moka平日除咗湊女之外,亦會搵朋友去街同做gym,自己識搵節目打發時間,應該唔會悶。早排佢喺社交網貼出做運動相,話返鄉下時食得太多,所以要努力做運動去脂。
噚日Moka又着到靚靚約朋友聚舊,有日頭嘅時候先喺ig分享沙灘自拍,曾經被網民話係人工美女嘅方媛,係咪「人工」就唔知,不過一定係美女,紥起兩條辮仔,仲要緊身衫加斜孭袋(斜孭袋嗰條繩非常非常重要)自拍沙灘環境,就咁睇片已感受到佢豐滿上圍嘅壓迫感。
晚上Moka再喺社交網貼咗3張街拍相,夜麻麻仲戴住副超,着tee襯短牛仔褲晒長腿,不愧為時尚達人,相中見佢身處喺銅鑼灣街頭,好有feel喎!不過負責操刀影相嘅唔係老公城城,而係化妝師好友冰冰,Moka貼相留言:「冰冰說卡姐我要幫你來組街拍 你們看她影技術如何?」
精選娛聞,喺晒《娛果》
http://fb.com/appledailyent