當年今日
關於我們

【四月已知?】維基「早洩」《紅海行動》代表香港出戰奧斯卡?

蘋果日報 2018/09/25 19:30

紅海行動林超賢奧斯卡東方禿鷹

香港拍軍事片,應該點做?香港只有駐軍,但沒有軍隊,如果要拍軍事片,應該要借將。但依家唔使,因為有《紅海行動》,代表香港報名爭逐入圍本屆奧斯卡最佳外語片。
很多網民都問:關香港乜嘢事?拍得再好,但關香港乜嘢事?其實早於1987年,洪金寶自導自演電影《東方禿鷹》,以越戰為背景,有份拍攝包括洪金寶、元彪、高麗虹、午馬等;反觀《紅海行動》,由博納影業出品,製片係北京人于冬,即博納影業集團總裁。電影由林超賢執導,馮驥編劇,香港演員得任達華。投資5億人民幣(約6.19億港元)拍攝,先在大陸上映,之後再喺香港上。
《紅海行動》上映以來,口碑不俗,動作設計、敘事手法都非常出色,其中爛番茄指數都俾佢86分,imDb有70分,大陸嘅豆瓣電影更加唔使講,10分滿分,佢拎8.3。有趣嘅係,其實早於今年4月,維基「香港電影提名奧斯卡最佳外語片獎競賽列表」上,已赫然有人填上今年代表香港報名嘅會係《紅海行動》,之後再數度修改,由「未入圍」改為「待定」。而呢個條目,由4月Keep到依家,到依家真係「估中咗」。
到底當日邊位網民咁「有心」,預先寫定答案?究竟佢係估中,定係知道啲乜嘢內情?
相關報道:
【聰明啊!】大陸限制軍方電影之時 香港推《紅海行動》角逐奧斯卡
https://bit.ly/2Ij7t9n
講解放軍《紅海行動》代表香港提名角逐奧斯卡最佳外語片
https://bit.ly/2xB8LrZ