大家都喺巴黎，真係咫尺之隔，最後謝霆鋒都係唔敢見王菲，雖然有報導指霆鋒同阿菲有私訊，不過因為驚柏芝會帶走兩個仔，從此骨肉分離，所以同阿菲相見不如不見！

王菲見唔到舊愛霆鋒一面，但係絕對無影響心情，佢同老友趙薇出席完時裝騷，就四圍觀光遊覽，飲下咖啡，試下當地美食，噚日王菲就係微博哂佢同趙薇去WET嘅相，興起仲玩自拍，素顏菲清麗脫俗，而且笑容滿面，似乎係巴黎玩得幾開心喎！


無獨有偶，係上海錄影綜藝節目嘅柏芝，開心「些牙」佢嘅自拍照，一身休閑服飾出場勁熱情同觀眾揮手，然後坐埋嘉賓席開始玩手機，玩自拍，睇嚟心情相當唔錯，咁梗係喇！霆鋒都避咗唔見阿菲，仲唔開心笑哂咩！