【李華華Online】《經濟學人》封面諷中國對港台張牙弄爪
蘋果日報 2020/05/28 21:32
經濟學人李華華online
《經濟學人》最新一期封面係一條張牙弄爪嘅巨龍，牙對準香港，爪對住台灣。
全國人大會議今午表決「港版國安法」草案，並以2,878票贊成、1票反對、6票棄權通過，實施時間未明，更有講法話7‧1前就可能殺到。《經濟學人》晚上8時喺facebook上載最新一期封面，封面顯示一條張牙弄爪嘅巨龍，牙對準香港，爪對住台灣，大題為「How far will China go?」，似乎意有所指。
內文提到，中國以恐懼治港，國際應當憂慮，一開首就提到港人所求不多，一係爭取真普選，二係維護法治。而呢兩個想法正正係中共最怕嘅，當時唔少人諗住中共會出動解放軍鎮壓示威活動，但中共無咁做。
反而趁武漢肺炎疫情肆虐全球，分散國際嘅關注，防疫措施令組織大規模示威活動變得困難，選擇呢種較低調嘅方式來顯示權力，震懾國際，今次影響不只香港，亦對南海、台灣帶來威脅。
經過2014年雨傘運動，去年由反修例引發嘅大規模抗爭運動，如果你問華華乜嘢係最強大？唔係軍隊，唔係金錢，而係信念，香港人，一齊撐落去。
李華華