將喺聖誕前後生仔嘅陳茵媺，臨盆在即，呢排佢都係深居簡出專心安胎，而老公陳豪呢排頻頻出席活動吸金賺奶粉錢，早前陳豪透露屆時會陪茵媺入產房剪臍帶，見證奇妙一刻。

今晚茵媺喺微博貼新相，相中呢位準媽咪拎住大型咕臣遮巨肚，身後就有棵聖誕樹。茵媺以英文留言表示，佢最喜歡嘅聖誕節就快到，仲話每年佈置聖誕樹佢都感到好興奮，相信今年茵媺聖誕節，會過得更加開心。

另外，茵媺因為大肚關係，今年缺席無綫台慶，不過佢老公陳豪有份演出，茵媺亦安在家中收看，佢話：「HappybirthdayTVB!我現在睇緊..你哋睇緊嗎!?」