噚日係汪峰47歲生日，佢老婆章子怡同埋兩個女為佢慶祝生日，章子怡送咗個結他形嘅蛋糕畀老公，佢仲喺微博度晒一家四口嘅溫馨合照，相中見到章子怡同繼女小蘋果（汪曼熙）好親暱咁攬住，至於章子怡2歲囡囡醒醒亦已經大咗好多喇！而章子怡就喺佢嘅微博分享咗呢個溫馨時刻，佢仲留言︰「又是一年，相愛的人會抱得更緊，生日快樂。」

另一張相可見現場以黑、金色布置，汪峰見攞住結他蛋糕笑到見牙唔見眼，佢仲喺分享咗老婆嘅微博，仲留言多謝老婆，佢話：「我們在一起的每個生日都那麼快樂，這幸福不是因為過去一年的那些新歌、巡演、掌聲與些許褒獎；而是因為有你有寶寶有我們一起渡過的每分每秒，所有那些充盈的歡欣與眷戀……謝謝老婆。」

精選娛聞，喺晒《娛果》
http://fb.com/appledailyent