音樂人陳輝陽和女聲合唱團成員之一的Lydia今日在商台宣傳明年2月14日假旺角麥花臣場館舉行的音樂會，由於近半年發生社會運動，很多演唱會都宣佈取消，陳輝陽坦言每個部份都遇上困難，「本來9月嘅時候仲講緊搞唔搞，有啲（投資者）慘慘豬咁話『而家開騷？唔掂啦！』講到最尾又話『如果你真係開，我哋跟你。』嘩，好感動，我從來都唔希望投資者係會蝕錢。」

陳輝陽表示門票於今日發售，由於反應好，所以特別在翌日下午加開一場，他表示：「好感謝有朋友義務幫忙，佢只係一句說話『你一定要搞到』，其實都好難，Eason（陳奕迅）都取消咗廿幾場。」問到有沒有plan B？陳輝陽說：「冇呀，plan B唔到，我都畀晒錢出去，如果開唔到，可唔可以唔收錢，冇可能嘅事，我有問搞騷嗰啲人，佢哋叫我繼續搞，第一係我個騷係明年2月，第二係場地ok，結果提供意見畀我嘅人，佢哋嘅騷全部都摺，呢個有趣喎！但我有信念係得，如果要搞就搞到落底。」

此外，布志綸今日亦到商台宣傳新歌《如果我們的語言是威士忌》，他指這首歌由梁栢堅填詞，指靈感來自村上春樹的小說，「如果想傾偈放鬆啲，呢首歌係幾啱，我哋成日講緊城市壓力大，缺乏溝通，溝通係要講環境、氣氛，大家攞個心出嚟，好舒服地平和去傾偈，所以飲威士忌係一個幾好嘅選擇。」會否提議政府飲番杯威士忌？他笑說：「如果要，好多嘢提議添！」

有否想過將來當兒子長大後，兩父子一起摸酒杯底？布志綸說：「其實唔出奇，父子關係一定會，我同我爸爸最能夠打開心扉，就係飲酒，佢從來都唔飲，我嗰陣時同佢講我想玩音樂，然後佢飲咗幾杯先話『你去做你自己想做嘅嘢，你畀心機去做』，我不嬲同爸爸唔係特別多嘢講，佢好少飲酒，亦都好少講嘢，真係飲咗少少酒，大家放開顧忌，大家攞個心出嚟坦白，人與人之間係好需要呢樣嘢。」

採訪、攝影：黃曉妍
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇