台灣型男張震喺2013年同女友莊雯如結婚，婚後兩後就生咗囡囡張源原，轉眼囡囡都已經3歲喇！噚日台灣有周刊就報導話張震嘅舊愛路嘉欣，同台灣嘅舞台劇女演員趙逸嵐結伴手拖手返家，疑似出櫃。

據報道指，路嘉欣之前同趙逸嵐合作舞台劇《聊齋》，近日巡迴演出都已經告一段落，但係佢哋嘅感情就未因此而終斷，有指佢哋喺本月23日，被周刊發現佢哋同其他朋友喺餐廳同台灣男演員莊凱勛慶祝生日，之後佢哋成班人就去咗唱 K直落，聚會後路嘉欣同趙逸嵐一齊坐的士返路嘉欣嘅屋企。落車時，路嘉欣仲拖實趙逸嵐返入屋企，直到第二日嘅中午先見到佢兩個一齊出門去睇舞台劇。

事實上，路嘉欣自從05年同張震結束六年情後，除了在2009年被傳出與莫子儀祕密交往外，並未有其他緋聞傳出。之後在2011年因演出舞台劇《賈寶玉》，結識趙逸嵐，之後路嘉欣經常參與為同志發聲的活動，過去2人還曾一同接受知名女同志雜誌嘅專訪，如今佢哋又同屬一間模特兒經理人公司，該周刊曾致電雙方共同經理人了解事件，但對方未有回覆。

精選娛聞，喺晒《娛果》
http://fb.com/appledailyent