「218五個0，Call我吖！」唔好以為賣廣告，其實是想講畀大家知以為叫KFC外賣係可以用上真KFC手機去叫！日前KFC跟華為手機各自在微博上放風明示搞合作，明眼人都估到會推出聯乘手機，結果不出兩日，這部紅噹噹的華為 X KFC手機就正式登場，並將會在7月13日以限量5,000部方式開賣。手機真身是華為新公佈的入門機種「暢享7」，規格非常一般，如只用上Snapdragon 425處理器、5吋1,280x720解像度屏幕、2GB RAM+16GB儲存或3GB RAM+32GB儲存，以及Android 7.0，定價最低只是899人民幣（約$1,033）。

但點解華為要同KFC聯乘呢？原來KFC早在1987年開始進駐中國，趁今年30周年紀念出部紀念版手機都應該有話題性，不過這部機背用上全紅色的「暢享7」紀念版手機，在設計就比較簡單，只是在機背上印上KFC創辦人「桑德斯上校」頭像及加上「你好1987」字樣，以及加入KFC主題Wallpaper（靚唔靚見仁見智）同預載只對應中國用家的「肯德基超級App」，唔知KFC粉絲又會唔會收貨呢？

資料來源：華為

記者：布偉倫

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily