當年今日

【井莉設靈】邵氏好友逐一離世 馬海倫憶當年望再相見

蘋果日報 2018/01/03 19:31

設靈邵氏馬海倫井莉

前邵氏影星井莉於上月11日病逝,享年72歲,今日於大圍寶福紀念館三樓福壽堂設靈,好友馬海倫於靈堂上多次落淚。
馬海倫心情稍微平伏後,才接受記者訪問,馬海倫感慨表示:「十幾歲玩到o依家,點都會唔捨得,佢結婚都係我做佢伴娘,但係冇辦法,年紀到咗咁上下,身邊都已經有好多朋友走咗,唔緊要啦,可能第二日會再見,到時再一齊拍戲一齊玩,佢俾我嘅印象永遠都係開心果,有佢係到佢一定係『攪屎棍』,好開心好熱鬧,以往每年大家邵氏一班人會約埋一齊食飯、打牌。」
講到井莉生前嘅身體狀況,馬海倫話:「近年佢身體有少少唔舒服,佢本身又怕嘈又貪靚,佢好怕被人見到佢唔靚,所以好少出嚟,頭先我有去見佢一面,見佢都好安詳,係因為病所以瘦咗少少,但係都仲係好靚。」
講到井莉前夫Philip今日亦有到場,當年做伴娘嘅馬海倫話:「Philip好好,咁多年都一直有照顧佢。」井莉對於婚姻唔夠美滿會唔會介懷?馬海倫話:「冇呀,其實佢演戲又好紅,又有一對仔女,少少嘢唔會影響到佢,唔會唔開心。」