【港姐複選】傳間尺鼻、吊帶王祖藍全Out!「藍裙千雪」:今屆多對手
港姐複選翻版千雪
《2017香港小姐競選》複選今午12點舉行,一眾入圍嘅佳麗早上喺康城站再聚,準備上接駁巴士去電視城,據聞上次嘅「吊帶王祖藍」(新聞連結: http://bit.ly/2tHylqP )同「間尺鼻Angelica」(新聞連結: http://bit.ly/2rJSxru )都冇得入圍。
來自美國三藩市嘅「藍裙千雪」Nicole Wu(胡美貽)上次以藍裙現身、貌似朱千雪,第一次面試係最早到嘅一位佳麗,今日複選,同樣係最早現身嘅佢,改着白色碎花連身裙,話晒選港姐要高貴大方,揀連身裙當然最穩陣。
問到Nicole今次參選有冇信心,佢就話:「平常心啦!」對於外界指佢似朱千雪,Nicole就好謙咁話:「佢靚過我!其實今屆都多對手。」問到複試有咩準備,佢就話:「上次着嗰件泳衣比較細,今次就換咗件fit身啲!噚晚8點幾就上牀瞓覺,今朝4點幾起咗身。」