36歲梁靖琪（Toby）今日在IG宣佈再婚喜訊，已於28日跟圈外男友Jon結婚了！

Toby在社交網貼婚紗相並留言：「I Married The Love Of My Life 　#28thJune2019 "A relationship means something complete, finished, parallel. Love is never a relationship, love is relating. It is always a river, flowing, unending. Love knows no full stop. The honeymoon begins, but never ends".」兩人深情對望，甜蜜滿瀉。

原來Toby跟男友早有共識，今年內會步入教堂，因為Jon是圈外人，所以兩人將婚禮低調進行，雙方親友亦未有洩密。由於Toby與Jon都是基督徒，兩人於28日先到教堂，在雙方父母及過百名親友的見證下，進行行禮及簽字儀式；晚上在酒店舉行婚宴，湯盈盈、周家蔚、鍾麗淇更充當姊妹團，好姊妹文頌嫻、姚樂怡都有去飲，由於Toby的父母是前無綫高層梁家樹和蕭笑鳴，所以古天樂、歐陽震華、郭政鴻、艾威等都有現身喜宴。

據現場友人指，新郎哥在晚宴上，向Toby及其家人作出感人愛的宣言，新娘流下感動的淚水。正式成為施太的Toby興奮地說：「我同老公喺晚宴上，向到賀嘅人道謝，但我事前唔知道佢會講一啲touching嘢，當我聽到佢向我同我父母承諾會愛我forever，照顧一生一世……我就喊到儍咗，姊妹屋企人都有喊，同埋我同老公都係教徒，所以在教堂行禮，感覺好神聖、莊嚴又浪漫，大家唔係只係簽字，係在神父見證下，我同老公都特別感動。」問到造人大計時，老公Jon表示二人好喜歡小朋友，父母也恨抱孫，所以最希望可以有兩個小朋友，Toby笑說：「希望目標兩個啦！」

由於老公是圈外人，所以婚禮低調行，她感激說：「朋友同親友都好好，幫我哋保守秘密，但最唔好意思係因為晚上婚宴，雙方屋企都有唔少朋友，我同老公又好多朋友，所以唔少朋友都請唔到。」對於姊妹團只得3個？她說：「我冇偏心㗎，畀佢哋自己揀，睇吓邊個有時間可以全日陪住我，好可惜就係阿佘（佘詩曼）因為唔喺香港，要開工嚟唔到。」Toby的爸爸梁家樹今日表示：「女兒找到好歸宿，自己當然係感動同開心。」

Toby跟Jon結婚，好姊妹周家蔚和鍾麗淇更充當姊妹團送嫁。鍾麗淇今日接受《蘋果》訪問時說：「嗰晚係非常之感動，好多人都講speech，講到大家都眼濕濕，所以成晚都好感動。」問送甚麼給一對新人？鍾麗淇說：「將好多開心嘅嘢畀佢囉，我都送咗個speech畀佢，總之嗰晚Toby真係好開心，我覺得佢哋兩個好登對。」

周家蔚則說：「我都係畀人情咋，成晚好感動呀，喊囉，喊得好犀利㖭，佢哋兩個好sweet呀，戥佢哋好開心。」湯盈盈就表示看到梁家樹拖住Toby步入教堂時感動落淚 ：「I felt very happy for her. I cried when her dad walked her down the aisle of church.」

Toby的首任老公是富家子黃敏豪（Aaron），兩人於2011年12月結婚，但婚姻僅維持年半便破裂。離婚3年後，Toby覓得第二春，前日幸福出嫁。

-----------------------------
7月4日起 《蘋果動新聞》只限升級壹會員閱覽
繼續撐蘋果！