大屋街居民投訴稱,年前因為方便一私人住宅大廈興建工程,路政署將大屋街整段行人路及路旁公眾收費咪表泊車位封閉,只留馬路行車,期間經常有大型泥頭車出入地盤,路面不勝負荷,整段路面損壞,凹凸不平。
積水孳生蚊蟲
居民稱,該座私人住宅大廈於去年九月竣工,大屋街行人路及咪表車位重開,但路面凹凸不平情況未有維修,滿布積水,至今已逾半年仍沒有政府部門處理,居民曾為此向路政署投訴,路政署職員回覆已知悉情況,但因正與有關發展商索償,故維修工程尚未展開。
居於大屋街的鄧先生稱,「大廈門口就有水氹,每次出門口都見到一灘水,又積滿垃圾,好核突,又容易孳生蚊蟲,環境衞生好差。唔只係居民受影響,泊車啲司機,落車都好尷尬,因為一不小心踏到水氹,成對腳污糟晒。」
「政府明知條路搞成咁,唔明點解拖半年都唔整,要我哋等佢哋慢慢商討賠償,有結果至開始維修,要居民忍受路爛積水,點解政府唔整完至慢慢追討?」