《蘋果》動新聞果燃台《玄機解馬》第二季第28集，將於今晚（7日）6時半開播，將從玄學角度向大家講財運。

繼上集請咗青靚白淨嘅資深化妝師兼美容院老闆Lawrence上嚟之後，今集我哋繼續成功邀請ViuTV藝人Dixon黃奕晨做嘉賓，務求令一班絲打大飽眼福。

Dixon除咗係演員同主持外，佢爸爸仲係資深演員夏雨！佢大爆由於爸爸嘅名氣，外界會以為佢一嚟已經識自動埋位，亦係天生演戲好叻，呢樣對佢造成好大壓力。

每個藝人都想紅，碧霞老師話Dixon喺2022至2023年便會名成利就，唔需要一世被定型為「夏雨個仔」，可以獨當一面，聽到Dixson勁開心。

Dixon同上集嘉賓Lawrence一樣有美人尖，代表早拍拖、早出身、早出國讀書或早失身；佢個樣「金雞啄印堂」，代表28歲時運勢麻麻，但30歲後便會大幅改善。

此外，Dixon有一對兜風耳，代表喜歡創新或貪玩，所以天生係發展才藝同運動嘅才料；另外有魚尾紋及桃花紋，雖然有觀眾緣，但同時表示日後會與妻子多爭拗，碧霞老師建議佢要遲婚，最好35歲打後就最好。

今集《運程學堂》會探討職場小人之面相及特徵，包括「三角眼」、「低頭說話」、「眼珠細」、「大細眼」、「斜視」、「中指彎曲」、「牙疏露牙肉」及「吹火口」共八大特徵。

如果有同事有以上嘅特徵，記得要提防佢哋篤背脊、講是非啦！

最後，碧霞老師聯同另一主持Marcus，在《贏馬錦囊》環節提供周日（3月8日）沙田日賽心水馬推介，另《賽日通勝》會拆解哪個生肖這個賽日最旺。

咁豐富嘅內容，你點能夠錯過今集《玄機解馬》？

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》