【楚雲聲】頭場一膽拖三腳！「旋風腿」冷要預埋（Cloudy）
蘋果日報 2019/12/31 21:30
上校頭場Cloudy旋風腿楚雲聲一膽拖三腳
旋風腿（近）忠心可靠
先祝各位2020年健康愉快，同啲衰嘢講拜拜，波馬亨通就日夜都有飛晒。我自己講完都充滿力量，哈哈哈！
一如以往，都廢鬼事寫咩懶深情大事回顧同水蛇春目標list，除咗懶，仲有記性唔多，時間唔夠，有都擺落啲馬度算啦！
目標清晰，我哋個個都一樣想馬仔幫拖，袋袋平安。
聽日（1月1日）頭場四班1200米，要榜首練馬師搭新騎師搭質新馬行頭，實行整個頭威頭勢開好個頭先！
「上校」上回初足狀態未足都識近，復課拍落又幾好鬥心，呢組唔強有得博進步。
賽前落雨濕濕霉霉噏噏，應該影響唔少馬響陣上跑唔出水準，撞正佢又有番幾滴泥地血兼跟前守好位，我就更加夠膽捉實佢。
如果QT腳，就要下面呢幾隻都似層層嘅。
「都柏名駒」名氣BB底好身壯，試閘越來越有進步，會賺慢步速領放。
「肥仔」轉倉後真係嚟緊第二春，搏失冇走樣，內檔唔怕好後好蝕。
「旋風腿」試閘唔使靚，實力分子例追一段，做夠運動又有得爭吓，冷門一定要預埋。