報稱12歲、自稱在港逾期居留9年的肖友懷，在工聯會陳婉嫻協助下，到入境處自首，馬上獲發行街紙；政府表態如確認肖友懷於內地無親友照顧，或可酌情處理，就連教育局局長吳克儉都表示，如確定肖友懷符合港入讀條件，會協助入學。態度非常友善合作。

肖友懷的事件，引發網民熱議——喬寶寶的印度籍太太居港22年，可是三年前申請香港特區護照，卻未獲批，而且入境處亦未有提供否決之理據。結果喬寶寶毅然放棄香港一切，陪妻到蘇格蘭坐移民監取居留權，以方便照顧在當地出世、患先天性脊椎神經問題的孻仔。

日前喬寶寶亦就肖友懷申請居港權一事，接受《壹週plus》訪問，他謂:「我覺得兩個case，我唔可以因為我老婆攞唔到，而影響到呢個小朋友嘅將來。我覺得應該要俾佢囉。」

至於可覺得入境處雙重標準，喬寶寶自言:「全球嘅入境處嘅標準都係唔需要解釋，政府應該順民意，其實例真係死0架，人係生0架嘛。」又指:「佢(肖友懷)送咗返內地，真係冇人照顧。佢逗留9年都想得到一個身份，父母遺棄咗佢，但佢阿婆真係香港公民0架嘛。」

談到太太居港22年，卻不獲港府發特區護照，結果全家無奈離港，喬寶寶於訪問中歎道:「我自己就香港出世，我大仔又係香港出世，其實講真喺香港已經四代。咁我哋申請特區護照都好大問題。依家唔係話我哋唔想融入社會，問題係我哋政府俾唔俾我哋融入社會。」

「我老婆已經係一個好例子，結咗婚廿幾年，住喺香港，申請特區護照，被拒，入境處又唔需要俾任何原因嘅。一方面就話種族融和，另一方面就打壓我哋啲小市民、南亞裔，白人我唔夠膽講，因為盛智文已經好容易攞到特區護照，同埋回鄉證。入境處話如果要攞回鄉證，就一定要係中國血統，但據我所知就好多華裔人士攞住幾個passport，但佢哋去攞回鄉證呢，就話都冇咁易嘅。」