新年又到，黃百鳴今年延續《家有囍事》系列，今晚張智霖（Chilam）、張繼聰、周秀娜、陳靜、吳千語、陳庭欣、譚耀文等一大班演員在銅鑼灣舉行《家有囍事2020》煞科宴。

Chilam與張繼聰是今次電影骨幹，兩人一起受訪，同聲表示沒有票房壓力，但就有新年願望：「希望個個都好，百花齊放，要諗（票房）都係交畀老闆諗。」Chilam希望成為票房冠軍，成績好可以獲派分紅？兩人都笑笑口：「我哋唔講呢啲嘢。」

不過阿聰都有感而發，承認市道比以前差：「希望老闆賺到錢之後有工開，希望大家多多支持，一家大細，扶老攜幼入場睇。」阿聰要在戲內騷巨鵰，他聞言又笑：「套戲真係啱一家大細睇，只不過接呢套戲之前要演拳手，變到一身肌肉，收尾仲有少少肉，就喺呢套都騷下。」阿聰說會與家人入場支持，不過阿女仲細，可能未識笑。Chilam就覺得今次拍攝「重男輕女」，他說：「男仔負責文藝嘢，女仔就負責動作、千術嘢。」阿聰就認下把位只負責物流，其他有型的動作戲份就由Chilam跟黃百鳴包攬，他又分享拍攝的趣事說：「自己最辛苦係要打小人，而係用英文打小人，背都背咗兩日，好大壓力，但就好開心，大家睇playback大家都會笑，可以帶正能量畀大家係好開心事。」

于淼在戲內客串，與范文雅、莊思明一齊演護士搗亂，3人又夾計整蠱Chilam，更被Chilam電親：「梗係有啦，第一次同佢演對手戲，都好興奮，希望拍多啲喜劇。」她透露農曆新年家人會來香港，家人有習俗會包餃子，她指以往好百厭，會加入古靈精怪食材例如辣椒，整蠱家人。

楊明有份投資的食肆早前遭人破壞，莊思明承認心情有受影響，好在有信得過的拍檔漏夜處理，莊思明又說：「喺呢個大氣候入面，都算還好，大家生意都有受影響，我哋都仲算OK。」早前莊思明在網上與食客「熱烈討論」，被指語氣寸又囂張，她今日解釋：「其實我不嬲都好客氣，無論咩投訴我都會了解，先再睇吓點改善。」

採訪：馬建華
攝影：沈健程
-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇