保安局局長黎棟國笑住呼籲年輕女士少飲酒以防止被姦，昨日起持續引起熱議，連多個海外傳媒都有報道。黎棟國今日回應稱，前兩天回應傳媒查詢時，並無任何意思將任何責任加諸受害人身上，只希望受害人挺身舉報，警方亦會盡力把罪犯繩之於法。對於所講過的說話，他聲稱自己亦都覺得好唔安樂，會用一個虛心聆聽態度去處理，但拒絕收回言論及道歉。

黎棟國的回應，民間輿論並未收貨。酒量驚人的公民黨副主席(外務)陳淑莊形容黎棟國的言論可笑：「唔怪之得梁振英唔繼續查海難喇，佢哋覺得責任係市民上船！」她認為黎棟國的邏輯思維謬誤，「冇錯飲少啲酒可能避免到好多罪案，但係強姦案上升唔係因為女仔飲得多囉。」

學者：雙重打擊受害人

城市大學認知行為教研中心臨床工作統籌主任林旭傑說，對於有需要輔導的受害人而言，黎棟國的說話是把罪行歸咎受害人：「從受害人角度而言，我係苦主，原本期望你來幫我，點知原來你仲鬧我；唔飲酒咪唔會被人強姦囉！」林旭傑說，這是對受害人的第二重傷害，他亦找不到根據證明少飲酒可以減少性罪行。

曾任保安局局長的新民黨立法會議員葉劉淑儀亦認為，黎棟國的言論雖然可能出於善意，但忽略了強姦案受害人的感受，她說新民黨昨日也收到一宗投訴，已轉介保安局。