特首林鄭月娥今天就在民主黨黨慶晚宴捐款3萬元解畫，指當日是因相識30年的李華明上台唱歌前，提醒她要留意《笑看風雲》歌詞，對方希望籌款數字「齊頭」，故此「下意識」支持朋友而捐款。

身處澳洲的李華明接受《蘋果》訪問指，林鄭今早回應十分人性化，認為她說出了黨慶當晚的實際情況：「我唱首歌叫做《笑看風雲》，就係想話風風雨雨都好，笑過睇過就算，同啲歌詞一樣」。李華明指91年出任立法局議員時，已認識時任社會福利署署長的林鄭，「唔算合作好多，但都來來回回不少接觸，佢識咗我咁耐，同對一般議員係有啲唔同，大家理解同信任係多啲」。

李華明坦言，對當晚獲林鄭認捐贊助唱歌「感到意外」，「我相信只不過佢當時見到我叫人捐款後，現場靜默咗，見到我有啲尷尬，先拔刀相助啫」。對於林鄭捐款後被部分藍絲和建制派炮轟，民主黨亦遭部分民主派支持者狠批，李華明認為情況正正反映現時香港社會的撕裂，「我係一個人嚟嘅啫，希望大家包容吓，我只係唱首歌，唔好搞到咁政治啦」。

當日上台唱歌時全程撐柺杖的李華明又指，去年10月打籃球時意外弄斷左腳腳筋，至今康復約八成，行路仍要用柺杖，黨慶當晚上台獻唱前，林鄭見他撐柺杖，亦有主動慰問他受傷原因，他不排除林鄭因不忍見他撐柺杖站在台上才舉手捐款支持，令他可盡快完成表演下台休息。

對於事後民主黨主席胡志偉指，李華明言論不代表民主黨，李華明指：「呢個係事實，我不代表民主黨」，指自己現時只為普通黨員，可以表達與民主黨不同的個人意見，「如果個個都要一致睇法，咁係咪即係要做共產黨？我唔會係咁做法」。