畢竟是一位七十九歲的老人家,梁伯連日來為受傷的兒子四出奔波,疲態盡露。「我老婆行動唔方便,朝朝都係我去睇阿斌,不過,探親佢,佢唔係喊,就一粒聲都唔出,我真係唔知佢個心諗緊啲乜。」一頭白髮的梁伯欷歔歎道。
怨失業負累雙親
四十二歲的梁國斌,受經濟不景氣影響,失業多時,連月來在老父陪同下,走遍各處尋找工作,可惜每次都失望而回,情緒因而極度低落。日前,他疑一時想不開,竟突然在家中揮動菜刀斬斷自己的左手,事後被送往醫院急救,現時雖無性命危險,但由於接駁手術失敗,阿斌將難逃終生殘障的命運。
梁伯憂傷表示,兒子性格一向沉鬱,但為人十分孝順,經常埋怨自己失業成為兩老的負累。作為父親的他,已不時好言相勸,但可惜仍然阻止不了慘劇的發生。「嗰日返到屋企,見到地下成灘血,邊洗邊執到嗰儍仔三節手骨,你話做老竇嘅悲唔悲。」惟淚盈於睫的梁伯坦言,兒子的手是否能駁回已屬其次,現在他最擔心阿斌會再做儍事,他害怕連這唯一兒子也失去。