當年今日
關於我們

堀北真希新劇仆直監製道歉

蘋果日報 2015/02/18 06:00

蘋果堀北真希大島優子即時草彅剛志田未來純白錢之戰爭

日本女星堀北真希主演嘅劇集《純白》,噚晚播出第六集,收視率5.9%,雖然比起上個星期稍稍升咗0.5%,但仍然處於仆直嘅狀態,而且套劇已經連續4集都係得約5%,就算堀北真希喺劇中扮護士,着住制服都好,都增加唔到吸引力。今日《純白》個監製見到收視一直低沉,於是喺該劇嘅專設twitter,向堀北嘅粉絲道歉,更大讚一眾演員包括堀北、志田未來等人及劇組人員都好畀心機去拍,監製仲保住堀北個招牌,話低收視全部都係佢責任,唔關演員事。

至於同堀北打對台,同一時段播放由草彅剛同大島優子合演嘅《錢之戰爭》,噚晚播出第七集收視就跳升,由上星期11.9%跳到14.4%,足足贏堀北一倍有多,唔怪得今日堀北出嚟宣傳舞台劇《咆哮山莊》時笑容都麻麻地啦。