【停賽照留港】對一匹馬念念不忘 郭能指騎師賽同鄉抽靚籤
蘋果日報 2019/12/04 11:48
停賽同鄉郭能騎師賽噴火龍莫艾誠谷中抽靚籤
郭能指莫艾誠在第七場抽到騎噴火龍（近）有運
愛爾蘭籍騎師郭能過往曾是本港五大騎師之一，參戰國際賽更是常客，不過近兩、三年其表現開始下滑，所以要在今個星期國際賽周找座騎亦唔容易。
有見及此，早前佢不小心策騎被罰停賽兩日，他就揀今期（4日）和周日（8日）停賽，始終今次和下次的賽事高手如雲下，他要找座騎亦不容易。
雖然停賽，但郭能依然留港觀賞大賽，好似今晚谷草夜賽，佢更念念不忘時廐「噴火龍」，仲話同鄉莫艾誠執到好籌，對佢爭奪國際騎師錦標賽的機會有幫助。
「噴火龍」上場在郭能胯下跑谷草1650米，後上如箭，但可惜不敵「轉數高」跑第二，賽事水準絕對唔錯。
此駒今期跑谷中國際騎師賽場合，郭能一定無緣騎牠，所以只能望門興嘆。
現時此駒益了莫艾誠，這位今年新鮮出爐的英國冠軍騎師，當年來港客串表現一般，但現時可算大器晚成，由他為「噴火龍」執韁亦放心。
上季此駒取得三捷，今季跑了三仗得一亞一季，證明這匹五歲馬在三班作賽有份量，是次再爭谷草1650米，排在6檔起步，比上場的8檔較好，當有機會重響勝鼓。