【18:22】下午4時半左右，有村民見到垃圾站對開草叢有野豬出沒，大約4至5隻，有大有小。大約5分鐘後，《蘋果》在垃圾站後方一草叢見到一大兩小野豬，當記者慢慢靠近時，立即聞聲逃走。
【15:47】新增圖片
【14:00】新增村民訪問

馬鞍山西沙路輋下村對開垃圾站，昨晚10時許，一名38歲男途人探望36歲女友人後離開，途經垃圾站附近發現有4隻野豬疑覓食，野豬突發狂奔跑衝擊撞傷男途人小腿，傷者負傷逃脫並致電女友人協助報警，並駕車將傷者載住大埔那打素醫院求診，警方及漁護署人員到場，在垃圾站一帶搜索無果，相信傷人野豬已經逃去，稍後收隊離場。

《蘋果》中午重返輋下村了解事件，漁護署人員到場掛起「唔好餵啦」的宣傳海報，很多村民均訴說曾被野豬為「搶食」撞人的經歷。其中梁先生指早兩星期前夜晚飲宴返家，途中經過垃圾站，他當時拿着一袋飲宴後留下的燒雞，「我離遠望到野豬，盡量行另一邊，可能佢聞到味，突然間衝過嚟，bomb一聲撞我，成個飛開，撻落地大腿腫晒，右手肘擦傷，行番屋企，隻手不停流血，於是報警。」他被送院治理，結果傷口須縫5針。

梁先生說野豬好大隻，成百多二百磅重，通常夜晚8、9點便出來「摷嘢食」，「有時仲撞冧晒垃圾桶！」他指上次受傷報警，原希望警方通知漁護署，「點知冇乜聲冇乜氣。」

而村民岑女士兩周前亦被野豬撞倒，當時夜晚收工後，她拿着白色膠袋，「佢突然衝埋嚟，扯我膠袋，扯郁我，成個坐咗落地！」她不時看到很多野豬「摷嘢食」，「依家啲野豬好大隻，隻隻都巨型，扯郁我！」她自言搬入村8年，最初只見到牛，近幾年多咗好多野豬，她現時晚上放工不會行經垃圾桶附近，寧願兜一圈路避免與野豬接觸。

胡先生指曾見過有人餵野豬，但他不敢出聲。「啲野豬實在太多，政府應該監管吓，如果野豬撞傷人或咬人就唔好！」不過女村民Wing則說平日見到野豬，牠們都安靜在旁邊行過，「佢哋冇衝擊，可能我冇買餸，亦唔拎白色膠袋，我唔擔心，我唔攪佢哋，佢哋都唔會攪我！」　

你敢爆，我敢獎！ 立即WhatsApp《蘋果》24小時爆相爆片熱線 或致電：63836568