台灣泰雅族女歌手亦帆最近有新專輯《亦帆風順》推出，今日舉行記者會，佢同周杰倫係淡江中學嘅同班同學，聽日就係周杰倫台北個唱開鑼，在場記者問起亦帆有關周董喺校園生活嘅點滴，佢就話當年周杰倫已經係校內風雲人物，識彈琴，份人都安靜，又愛運動，有唔少學妹見到都「眼睛都為之一亮」，為之瘋狂。

問及高中嗰陣，有冇暗戀過周董？亦帆笑言：「他的帥氣都沒變，但他不是我的菜，我那時候有喜歡別人了。」亦帆就讀淡江高中僅一年，後嚟因唔適應私校軍事化教育，加上學費負擔大而轉學，直至同班同學周杰倫後期做歌手，二人先較為熟絡，講到近期推出新作品，有冇向呢位舊同學邀歌？亦帆講笑：「不好意思啦，人家是天王級人物。」