當年今日
關於我們

  《警監特輯》被指出錯 - 李八方

蘋果日報 2002/01/09 00:00


港台最近幫警監會拍咗套《警監特輯》,以投訴警察嘅真實個案,拍成劇集向市民介紹警監會嘅工作。第一集同第二集都已經出咗街,引起警察圈子一啲回響,尤其係第一集,講一名女士被警察查身分證,雙方發生衝突,被警察用手銬帶返警署。警察告佢襲警,佢就投訴警察講粗口同濫用職權等等,結果警監會話警察用手銬同無及時除手銬唔啱,係濫用職權同疏忽職守。有前線人員話,警察查身分證係執行職務,事件中夥計好無辜。
本地督察協會主席廖潔明噚日特登同班執委睇番呢兩集節目,佢認為第一集裏面,警察將市民帶返警署先除手銬係根據當時情況作判斷,唔認同警監會講係疏忽,又話節目中控辯雙方盤問證人嘅次序都搞錯。


E-mail:[email protected]