早幾個月去德國試車,已經喺Audishop見到呢隻着晒專業賽車衫、坐住四環專車嘅熊公仔。係,係好鬼低能,但我當時真係好鬼妒忌,唔係嘛?Audi閒閒哋幾十萬一部,仲要同你呢隻熊仔度身訂做架迷你車?唔眼紅就假。今次西班牙之旅屬戶外活動,心諗唔會踏足Showroom,應該緣慳一面喇,估唔到依然有熊出沒,仲有埋私家SUV㖭。為證明乜都質得落,廠方預備多套Golfgear同手提行李,證明SUV載物載重量驚人,可惜現場無滑浪板咋,如果唔係,放三四面滑浪板都無問題。熊仔就負責揸住佢部私家車,繞場Showoff。