變髮有計型到東莞
郭可盈旺場6粒鐘賺6位數

蘋果日報 2004/07/09 00:00


郭可盈日前到東莞為一間髮型屋剪綵,她表示頭髮可以反映身體狀況,故要有一頭健康秀髮,就要保持健康體態。可盈今次花上短短六小時,便賺得六位數字酬金,相當可觀。
郭可盈日前聯同髮型師到東莞出席一間髮型屋剪綵,她表示此行來回共花了約六小時,但已賺得六位數字的酬金,可盈感到很滿意。

髮型師同行
可盈表示該髮型屋很欣賞她平時的髮型,故邀請她做剪綵嘉賓。可盈日前在電話中說:「我好鍾意返內地剪綵,因為除咗影迷好熱情之外,做得剪綵嘉賓,一定係舖頭老闆覺得我都好旺場先搵我,咁就梗係開心啦。」髮型屋老闆本只邀請可盈,但後來覺得她在香港的髮型師都功不可沒,故特別同時邀請二人同行,可盈的髮型師更成為該髮型屋的顧問。

想試剪短髮
問到可盈對髮型的心得,她說:「我好鍾意嘗試唔同嘅髮型,長短鬈直都冇所謂,最緊要係靚。不過近年我成日拍攝時裝劇,所以要保留長髮,方便造型。如果可以休息一段長時間嘅話,我唔排除會將頭髮剪短晒。」對於護髮心得,可盈不信食髮菜可以以形補形,她說:「我唔信呢啲嘢,頭髮同皮膚可以充份反映自己嘅身體狀況,所以我覺得只要夠休息,保持健康,無論頭髮,抑或皮膚都會有最佳狀態。」
此外,可盈遺憾這次剪綵時間太匆忙,並沒時間留在內地的髮型屋嘗試店內的按摩服務,她說:「我參觀過舖頭裏面嘅設施,有好多長按摩床,好乾淨好舒服。因為剪完綵即刻趕返香港開工,所以都冇機會試吓佢哋嘅服務。」
採訪:比華利
empty
郭可盈大受髮型屋員工歡迎。
empty
郭可盈日前到東莞為一間髮型屋剪綵。