【立會掟杯案】
【本報訊】立法會議員黃毓民涉掟杯襲擊特首梁振英案昨續審，已連續盤問證人多天的黃昨化身「潮語達人」，多次提及「呃like」、「惡搞」等潮語。黃反對控方將涉案新聞片呈堂，強調片段曾剪接、放大、重播等後期加工。警員亦承認片段非連貫，舉例指「cut（裁剪）個頭出嚟擺上畫面」亦屬加工，但遭黃反諷「cut頭嗰啲係惡搞」，屬於二次創作而非新聞片段。

「任務係搵夠料砌我」

負責錄製新聞片段的重案組探員關善元第二日作供，黃甫開首便詢問關「知唔知乜叫呃like」，又指電視台一般會將新聞上載上網，希望有較多點擊率及分享。裁判官不明所以地打斷：「係咪即係話想呃like呀？」黃遂指：「法官大人，呃like係一個term（詞語）……即越多like就越多人睇喇。」
有關電視台出街前的後期製作，黃指後期製作包括剪輯、放大、調校光暗等。關回應「唔知」但承認無綫及有線片段曾剪接。黃另質疑警方以機密作藉口，實情是指派關特別任務、即不能明示的任務，欲「搵夠料砌我（黃）」，關皆否認。黃又就早前盤問梁特時有關梁對投擲玻璃杯無反應一事問關，黃當時指梁「成碌木好似死人咁企係度」，梁則反駁稱當時驚嚇得「freeze（凍結）咗」；黃問關有線新聞片顯示梁在掟杯一刻時「有移動過，唔係freeze喎」，關同意。
控方及後傳召落手落腳從網上下載片段的警長鄭康業，以電腦鑑證專家身份出庭。黃提反對，質疑鄭沒驗證新聞片是否完成，認為他僅接受警察內部電腦課程，根本沒學歷評審，但官接納其專家證人身份。立會議員黃定光今出庭作供，黃昨揚言「要盤夠佢兩日」。
案件編號：ESCC2615/15
■記者楊思雅