【心痛死爸爸】不捨愛女在外打拼子瑜爸睇節目睇到喊
蘋果日報 2016/07/10 06:00
蘋果台灣香港韓國即時周子瑜拜託了冰箱TWICE
- 子瑜上月喺節目《拜託了冰箱》上諗起屋企人而淚灑現場。
- 子瑜媽（右）噚日現身咖啡店開幕。（台灣《蘋果日報》圖片）
- 客人要求影相子瑜媽都答應。（台灣《蘋果日報》圖片）
- 子瑜爸（中）被爆料指睇愛女節目時喊。（台灣《蘋果日報》圖片）
韓國女團TWICE台灣籍成員周子瑜，上月參加綜藝節目《拜託了冰箱》嘅錄製時，喺現場試食完家鄉菜令佢諗起屋企人而淚灑節目現場，令在場嘅人都嚇咗一跳。而子瑜身處台灣嘅父母都有睇到節目，子瑜爸更邊睇邊喊，心痛愛女喺異地打拼。
子瑜媽黃燕玲早前投資開咖啡店，當時已經吸引大批子瑜粉絲到場撐場。而子瑜媽投資開嘅第二間咖啡店噚日喺台南開幕，佢同子瑜爸都有到場接待客人，店內亦掛上子瑜嘅簽名海報吸客。現場有唔少顧客認出係子瑜媽，紛紛要求影相，而子瑜媽亦冇托手踭，相當Nice，不過子瑜爸就繼續低調。
子瑜媽接受台灣媒體訪問時，表示同老公透過網絡睇咗子瑜出演嗰集《拜託了冰箱》，見到愛女太掛住屋企人而喊時，子瑜媽就爆料自己冇喊，反而子瑜爸喊到要拎紙巾抹眼淚，又話唔捨得個女自己一個喺異地打拼。不過子瑜依家咁受歡迎，子瑜爸應該可以安樂一下喇？
子瑜媽黃燕玲早前投資開咖啡店，當時已經吸引大批子瑜粉絲到場撐場。而子瑜媽投資開嘅第二間咖啡店噚日喺台南開幕，佢同子瑜爸都有到場接待客人，店內亦掛上子瑜嘅簽名海報吸客。現場有唔少顧客認出係子瑜媽，紛紛要求影相，而子瑜媽亦冇托手踭，相當Nice，不過子瑜爸就繼續低調。
子瑜媽接受台灣媒體訪問時，表示同老公透過網絡睇咗子瑜出演嗰集《拜託了冰箱》，見到愛女太掛住屋企人而喊時，子瑜媽就爆料自己冇喊，反而子瑜爸喊到要拎紙巾抹眼淚，又話唔捨得個女自己一個喺異地打拼。不過子瑜依家咁受歡迎，子瑜爸應該可以安樂一下喇？