有餐飲業界人士指今年市道較淡靜，不期待生意有明顯升幅；相比起內地旅客於黃金周來港消費，他們均表示，期望五月母親節有望帶動生意增長。

叙福樓集團執董黃傑龍表示，旅客生意只佔餐廳生意半成至一成，故不會特意推出優惠吸引內地食客，「之前旅客少咗，對遊客區分店生意有影響，但情況唔嚴重。」他指自己對黃金周生意「唔期待」，反而看重母親節有望帶動本地消費，適逢今年是回歸廿周年，「可能七一或者國慶，內地客會嚟多咗香港，生意嘅變化會明顯啲。」

利寶閣（8102）主席兼行政總裁陳振傑則指，今年五一前後有三天假期，內地人或會來港作短途旅遊，但「香港放埋佛誕，中間請多日假（5月2日）就變長假，啲人會出外旅遊」，變相本地客消費或會減少。

他對黃金周生意抱審慎樂觀態度，因近年旅客人均消費有下降跡象，「以前食個晏，一個人幾百蚊都唔出奇，而家會少啲，多數過百蚊都會有嘅。」陳振傑補充，現時來消費的內地客以北方人居多，消費能力一般不及南方人。

記者： 江靖然

掌握財經生活資訊，即Like「蘋果ATM」fb專頁啦！
http://fb.com/appledailyatm