當年今日
關於我們

【魔迷放心晒】皇馬嫌迪基亞貴 轉斟當拿隆馬

蘋果日報 2017/06/08 16:25

英國足球曼聯皇家馬德里摩連奴迪基亞門將英超

皇家馬德里想買曼聯門將迪基亞,都已經傳咗幾年,球迷都聽到有啲厭。經過幾年追逐都買唔到,迪基亞亦越嚟越安於留喺曼聯,加上要紅魔肯放人轉會費唔平,據報皇馬終於決定放棄收購呢位西班牙門將。
曼聯唔希望迪基亞離隊,如果皇馬要買人就要求至少6,000萬鎊轉會費,或者用前鋒艾華路莫拉達做交易籌碼,先至有得諗。皇馬方面認為轉會費實在太高,加上依家陣中1號門將基羅拿華斯表現實在唔差,上季表現神勇幫皇馬成為西甲歐聯雙料冠軍,實在唔急於買新門將。
不過一向愛追星嘅皇馬,又點會就此收手。唔買迪基亞,據講只係轉移目標,有傳佢哋睇中咗AC米蘭嘅18歲門將,「新保方」基安盧基當拿隆馬。