華將喺馬圈難搵食，都唔係今時今日嘅事，今季弱勢四人幫陳嘉熙、黎海榮、黃皓楠同黃俊，要贏場馬好似難過登天。

不過人總有翻身嘅時候，黎海榮苦戰多時之下，上月拆禮物日終憑「明月千山」開齋。

見習騎師陳嘉熙最近轉為拜師方嘉柏，剛周三（13日）夜賽騎三駒有兩場入P，有番啲成績，人都有番朝氣，今期（17日）賽事新任師傅再交三駒畀佢出擊。

其中，第十場「星運明爵」撥亂反正重返兩度上名嘅田草1400米，唔似玩玩吓。

「星運」系馬主游紹賢同方嘉柏十分老友，用乜騎師從來唔過問，當年「星運爵士」都曾由時任本地騎師魯柏軒跑第二，馬主支持華將身體力行。

今次陳嘉熙接手「星運明爵」，呢匹馬近兩戰跑泥地冇表現，但季初跑田草1400米可以同「美麗多多」（蔡約翰馬房）串Q，有機會成為呢對新師徒合作首Win。

除陳嘉熙之外，黃皓楠都應要打爭氣波，今季仲未開齋，不過騎者工作態度一向好好，唔少練馬師都樂於伸出援手支持。

第八場佢騎「威威心得」（蘇保羅馬房）跑三班泥地一哩，上場跑泥地1200米後追第二，試準泥地性能後，今仗增程1650米一試，始終匹馬喺外地贏過1500米。

由於磅位問題潘頓騎唔到，轉由黃皓楠接手，兼得1檔之利，隨時有驚喜演出。

-----------------------------

時勢艱難，有問題即管開聲！

經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快還可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！

立即申請 : https://bit.ly/2IEn0VN

推廣期由2020年12月1日至2021年1月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199