韓國男團BIGBANG隊長G-DRAGON（GD）8月時被爆跟日本電影《進擊的巨人》女星水原希子分手，而女團少女時代（少時）成員泰妍上月亦被爆跟師弟團EXO成員伯賢分手，呢兩名甩拖的男女，今日突然傳出撻著，真係極為神奇！

近日，韓國社交網站突然瘋傳GD跟泰妍搭上嘅傳聞，不過呢個傳聞都幾流，冇相冇證據，就只得「GD跟泰妍拍拖」一句，難怪泰妍所屬嘅SM事務所極快否認戀情，表示：「傳聞毫無根據。」而GD方面更表示：「冇回應嘅價值。」

另外，GD近日換咗新髮型，佢仲於網上公開新相，不過就慘被粉絲笑佢肥。