韓國女團少女時代（少時）前成員Jessica於大前年退團，早前受訪時提起少時，引起韓國網民不滿，批評佢消費前隊友。而少時成員秀英近日接受訪問時，就大方回應有關Jessica嘅問題，更借用人氣劇《鬼怪》嘅對白嚟表達自己嘅心情。

訪問中，當被問到少時係唔係因為Jessica退團而變得更團結時，秀英就引用《鬼怪》嘅對白，表示：「在一起的時光都很好，因為天氣好，因為天氣不好，因為天氣剛剛好，每一天都很美好。」似乎暗示好珍惜跟Jessica相處嘅日子，未知他日二人會唔會有驚喜嘅合作計劃呢？

另外，秀英今日下晝穿上短裙現身品牌活動，大騷長腿。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。