韓國綜藝節目《Running Man》（RM）成員金鐘國出名鍾意健身，不時見到佢於健身室被集郵，不過原來去健身室唔止可以遇上金鐘國，仲可以見到好多韓星，例如光洙及EXO成員。

噚日，god成員朴俊亨就於Instagram公開佢於健身室不停集郵嘅照片，當中有佢跟金鐘國同李光洙嘅合照，另一張就係跟EXO成員Suho、燦烈及Kai嘅合照，朴俊亨更留言：「跟K-pop stars一齊做運動，可以喺呢度舉行演唱會。」

不過照片中最搶眼嘅唔係啲星有幾靚仔，而係金鐘國手臂嘅肌肉，可惜光洙就穿上短袖衫遮身材，當然係立即被「能力者」金鐘國比下去啦。