昨日警方記者會上,記者提問近日連串劫案是否與警方日常巡邏警力不足有關。警察公共關係科總警司郭嘉銓稱,過去半年警方日以繼夜上班,應付大規模暴力事件,「的而且確花費咗好多警力,過程當中有啲市民仍然包庇縱容呢啲暴力,阻撓我哋同事工作,我哋必須調配足夠嘅人手先能夠應對呢方面嘅挑戰……當我哋調配咗人手去做示威管理工作嘅時間,都需要調校番日常警政嘅安排,相信有一啲匪徒可能會趁住警力相對冇咁多嘅時候趁火打劫」。
有組織罪案及三合會調查科高級警司李桂華指,今年首11個月的部份罪案數字飆升,其中搶劫、爆竊、偷車及車內盜竊案均按年增加39%至44%。他隨後引述不知何來的「學術研究」稱,罪案發生與社會風氣和有機可乘兩個原因有關,形容連串暴力事件是問題根源,需要負很大責任,並稱根據以往學術研究,搶劫案件特別與社會風氣有關,「可能大家都好縱容呢啲暴力行徑,佢都不經不覺會參與咗」。
立法會議員林卓廷批評警方推卸責任,警隊對香港治安惡化責無旁貸,警方放生犯法的警員和黑社會,帶頭鼓勵他人犯罪,推動不良社會風氣,除了不派員巡邏之外,「有人刑事報案都唔派人,北角打人案,又放人走,係邊個鼓勵人犯法呀?元朗、北角、荃灣打人,有冇拉黑社會?」
■記者曾偉龍