日聯禮拜六有八場比賽上演，焦點當然落喺大阪櫻花作客廣島三箭呢一場。櫻花上場大炒FC東京4:1，保住爭標希望，今場應該可以贏到入波數字喺日聯排尾四嘅三箭。（球賽編號：星期六11；有線61及201台今日5:30pm直播）

曾經喺2012、2013同埋2015年贏過三次日聯冠軍嘅三箭，上季開始跌watt，依家仲喺降班區域。三箭今季踢25場波只係入得23球，喺日聯只係比甲府風林、新潟天鵝同埋大宮松鼠多，今場面對仲有爭標希望嘅櫻花真係凍過水。事實櫻花今季升班日聯戰績唔錯，喺季中一度衝上榜首，但之後連續三場失分。到上輪聯賽作客FC東京以4:1大勝對手，狀態唔錯，櫻花今場出戰三箭，絕對有機會袋晒三分。

日聯周六直播
17:30　廣島三箭　vs　大阪櫻花　有線電視61台
18:00　橫濱水手　vs　柏雷素爾　有線電視64台