【翠屏墮石屎】受傷婦人仍危殆 街坊議論紛紛
蘋果日報 2018/09/14 11:11
高空墮物翠屏墮石屎
56歲姓黃婦人昨行經觀塘翠屏南邨翠杭樓地下時，被高空墮下的石屎擊中頭部，昏迷送院搶救，至今早情況仍然危殆。大廈單位外牆有石屎剝落，事發現場今早仍然封鎖，禁止行人進入，街坊對事件則議論紛紛，希望房署可以加強檢查樓宇外牆失修情況，避免事件再次發生。
「擔心㗎，唔擔心就呃你。」街坊林女士稱，即使沒有今次意外發生，平日落街都會行有簷篷地方，「驚啲人掟嘢落嚟」，希望房署可以「檢查多啲」。街坊鄺女士則謂「擔心唔到咁多」，唯有「行有簷篷地方」，指出邨內未試過發生石屎擊傷途人，但有聽聞「有人掟嘢落嚟」。
你敢爆，我敢獎！ 立即WhatsApp《蘋果》24小時爆相爆片熱線 或致電：63836568
現場今早仍然封鎖，禁止行人進入，街坊對事件則議論紛紛(文兆麟攝)
鄺女士謂「擔心唔到咁多」，唯有「行有簷篷地方」(文兆麟攝)
大廈外牆有石屎剝落(文兆麟攝)
林女士希望房署可以加強檢查樓宇外牆失修情況(文兆麟攝)