【本報訊】近日確診個案中有四人曾到中環蘭桂坊一帶消遣，令人擔心「老蘭」會成為播毒黑點。本報記者昨晚在現場見大部份酒吧食肆僅有二至三成入座率，人流疏落。酒吧職員均有為顧客量度體溫，員工都戴上口罩，客人飲酒聊天時則多數除下口罩。部份職員特意站在店外招客迎賓，惟生意未見好轉。

每周消遣「唔驚得咁多」

蘭桂坊協會總監張素媚稱，受武漢肺炎疫情影響，近日中環多間公司實施彈性上班政策，蘭桂坊大部份商戶的午市生意額跌五成，晚巿更跌七至八成，「好多人怕疫情，夜晚真係少咗人出街」。她呼籲協會轄下商戶時刻保持環境衞生，顧客亦最好保持距離，防止病毒傳播。

西餐廳Porterhouse劉經理指，近日生意大受疫情影響，昨晚只有一枱食客，「我哋唔可以控制客人，惟有着重員工嘅個人衞生，勤洗手，亦會提供酒精搓手液畀客人，幫佢哋量體溫」。「胡姬」花店東主胡女士指，很多人放工後立即回家，生意越來越難捱，她指近日生意急跌七成，平日售數百元一束的鮮花，現在以百多元促銷，「行行都慘淡啦，以前啲花賣400蚊，𠵱家賣300幾，甚至200幾蚊都有，惟有做靚啲，唔靚嘅唔好畀人，等人下次想買花就諗起你囉」。

在中環工作的譚先生每星期都會到蘭桂坊消遣，他指蘭桂坊大部份酒吧都是露天，所以不擔心交叉感染，「唔驚得咁多啦，完全冇社交，真係比較困難」，指自己會做好本份，觸碰扶手等公共設施後，會用搓手液消毒雙手，但不用特別刻意避忌。
■記者鄭大康、黎家駒