現年45歲嘅韓國「國民MC」劉在錫跟太太羅靜恩於2008年結婚，2010年二人迎來大仔志浩，早前劉在錫再傳來喜訊，表示跟太太事隔8年再次榮升做父母，羅靜恩目前懷有第二胎。

於今日播出嘅節目《Happy Together 3》中，一眾節目主持祝賀劉在錫再做老竇，劉在錫表示：「好多人都祝賀我，真係要再次表示感謝。靜恩都好想感謝大家，我就替佢向大家表示多謝啦。」之後就向大家鞠躬。

劉在錫又透露囝囝知道要做哥哥時嘅反應：「事實上志浩知道之後就爆喊。」透露志浩因為驚父母嘅愛被奪走，劉在錫亦坦言當時有啲心酸，不過表示：「但之後志浩都接受咗，仲期待住BB嘅出世。」

更多韓流，喺晒《娛果》
http://fb.com/appledailyent