贊助08北京奧運同火炬接力，聯想（992）唔單止有奧運嘅開幕同閉幕禮門票，仲喺香港區有8個火炬手提名名額，副總裁暨香港、澳門及台灣區總經理黃建恒（右）話，提名咗歌手古巨基之外，仲有同事及其他界別嘅代表人物，但邊個得就要等中央公佈。提名古巨基，係因為聯想搵佢喺其中一部限量版嘅奧運火炬筆記簿型電腦上，簽咗個大名，另外仲有兩部分別有劉翔，同設計「祥雲」火炬嘅設計師姚映佳簽名，呢三部電腦會喺22號起先後放上網拍賣籌款，底價500蚊美金。