朱古力店Kapok從遠自法國、瑞士,近至本港引入不同的朱古力,農曆年則推本地品牌Chocoyou的一口爆竹、金箔朱古力等,「佢嘅特色係鍾意喺朱古力度混入特別嘅成份」。店員Hugo說,一口爆竹便是在朱古力加添了爆炸糖,入口有兩種享受。
他說,農曆年銷情會較佳,而情人節接近更有利,因男生情人節一般多送花,朱古力其次,「但新年要去女仔屋企,就要帶埋朱古力送禮嘞」。首次在法國以外地區開店的Chapon負責人William也稱,鐵塔、幻彩小Bear等情人節朱古力,未到情人節已熱賣,部份更斷市,「因為啲客買嚟拜年送禮,雖然唔係送俾情人,但見造型咁靚都照買」。
《蘋果》記者