星展唔小心將保險箱當廢物笑壞同行，補救工作梗係要做到足啦。八方聽講，星展周末將三十六個尋回嘅保險箱財物攞畀班客仔認領，做足準備工夫，早一晚就先開大會教班夥計如何應付不同情況，星展香港主席黃鋼城都坐足三粒幾鐘。
當日，星展除咗安排二十幾架平治接送客戶，重請咗四個六福珠寶嘅專家，及幾個律師在場協助班客。茶水餅食就梗唔少得，又有各種工具等客戶檢查尋回嘅物品。當然，為顯誠意，銀行高層包括黃鋼城、蘇禮文同張耀堂，都有親自招呼班客。
雖然件事搞成咁，星展錯就錯晒，不過佢哋都算好努力補鑊啦！難怪有傳媒同學者對佢哋事後處理手法都有讚賞冇苛評。



傳真︰2623-9278
電郵︰[email protected]